Google ADS

Deco po planifikon t’ia rrëmbejë Real Madridit top yllin nga dora

08:01 | 28 Dhjetor 2024
K.B

Një raportim i mediave në Spanjë bën të ditur se Barcelona synon të nënshkruajë me mbrojtësin e djathtë të Liverpoolit, Trent Alexander-Arnold.

Gazeta spanjolle “El Nacional” raportoi se drejtori sportiv i klubit katalunas, Deco, planifikon të transferojë mbrojtësin anglez.

Alexander-Arnold do të jetë në dispozicion falas në fund të sezonit aktual, nëse kontrata e tij nuk rinovohet.

Real Madridi është kandidati i parë për marrëveshjen me mbrojtësin nëse ai vendos të largohet nga Reds.

Por, Deco ka bindjen se mund t’ia rrëmbejë rivalit të përjetshëm Arndolin nga dora dhe tashmë ka filluar kontaktet me përfaqësuesit e tij.

Në anën tjetër, Barcelona e di se duhet të bind edhe lojtarin që të kalojë në radhët e tyre, pasi që vetë lojtari do të përcaktojë të ardhmen e tij. /Telegrafi/

Shpërndaje në rrjete sociale

Lajmet më të lexuara

Të ngjashme

Foto lajm